ਮੁੰਬਈ ਤੋਂ ਫੁਕੇਟ ਜਾ ਰਹੀ ਇੰਡੀਗੋ ਨੂੰ ਮਿਲੀ ਫਲਾਈਟ ਬੰਬ ਦੀ ਧਮਕੀ: ਟਾਇਲਟ 'ਚੋਂ ਮਿਲਿਆ ਪੱਤਰ

ਮੁੰਬਈ- ਮੁੰਬਈ ਤੋਂ ਫੁਕੇਟ ਜਾ ਰਹੀ ਇੰਡੀਗੋ ਦੀ ਉਡਾਣ 6E 1089 ਨੂੰ ਸ਼ੁੱਕਰਵਾਰ ਨੂੰ ਬੰਬ ਨਾਲ ਉਡਾਉਣ ਦੀ ਧਮਕੀ ਮਿਲੀ। ਇਹ ਧਮਕੀ ਉਡਾਣ ਦੇ ਟਾਇਲਟ ਵਿੱਚ ਇੱਕ ਨੋਟ 'ਤੇ ਮਿਲੀ। ਧਮਕੀ ਤੋਂ ਬਾਅਦ, ਉਡਾਣ ਨੂੰ ਚੇਨਈ ਵਿੱਚ ਐਮਰਜੈਂਸੀ ਲੈਂਡਿੰਗ ਕਰਨੀ ਪਈ।ਇਹ ਇੰਡੀਗੋ ਏਅਰਬੱਸ ਏ320 ਵੀਰਵਾਰ ਨੂੰ ਦੁਪਹਿਰ 3:33 ਵਜੇ ਮੁੰਬਈ ਤੋਂ ਰਵਾਨਾ ਹੋਇਆ। ਜਦੋਂ ਧਮਕੀ ਭਰਿਆ ਪੱਤਰ ਮਿਲਿਆ ਤਾਂ ਉਡਾਣ ਬੰਗਾਲ ਦੀ ਖਾੜੀ ਦੇ ਉੱਪਰ ਸੀ। ਪਾਇਲਟ ਨੇ ਤੁਰੰਤ ਉਡਾਣ ਨੂੰ ਚੇਨਈ ਵੱਲ ਮੋੜ ਦਿੱਤਾ ਅਤੇ ਸ਼ਾਮ 7:16 ਵਜੇ ਚੇਨਈ ਹਵਾਈ ਅੱਡੇ 'ਤੇ ਸੁਰੱਖਿਅਤ ਲੈਂਡਿੰਗ ਕਰਵਾਈ ਗਈ।

ਚੇਨਈ ਵਿੱਚ ਉਡਾਣ ਦੀ ਜਾਂਚ ਕੀਤੀ ਗਈ। ਫੁਕੇਟ ਹਵਾਈ ਅੱਡੇ 'ਤੇ ਰਾਤ ਦਾ ਕਰਫਿਊ ਲਗਾਇਆ ਗਿਆ ਹੈ, ਇਸ ਲਈ ਹੁਣ ਉਡਾਣ ਦੇਰ ਰਾਤ ਜਾਂ ਸ਼ਨੀਵਾਰ ਸਵੇਰੇ ਜਲਦੀ ਰਵਾਨਾ ਹੋ ਸਕਦੀ ਹੈ।

ਇੰਡੀਗੋ ਦੇ ਬੁਲਾਰੇ ਨੇ ਕਿਹਾ ਕਿ "ਕੰਪਨੀ ਗਾਹਕਾਂ ਨੂੰ ਘੱਟ ਤੋਂ ਘੱਟ ਅਸੁਵਿਧਾ ਦੇਣ ਲਈ ਹਰ ਸੰਭਵ ਕੋਸ਼ਿਸ਼ ਕਰ ਰਹੀ ਹੈ। ਯਾਤਰੀਆਂ ਨੂੰ ਰਿਫਰੈਸ਼ਮੈਂਟ ਦਿੱਤੀ ਜਾ ਰਹੀ ਹੈ ਅਤੇ ਨਿਯਮਤ ਅੱਪਡੇਟ ਵੀ ਦਿੱਤੇ ਜਾ ਰਹੇ ਹਨ।"